Ka vazhduar gjykimi për dhunën në kuvend me argumentet përmbyllëse të të pandehurve. Në fjalën e tij, Dushko Llazarov sqaroi se nuk ka pasur kompetencë për të angazhuar policinë përpara parlamentit më 27 prill.
Llazarov tha se përgjegjës për veprimet e policisë ishte Zoran Stançevski, i cili është aktualisht dëshmitar në rastin dhe kjo mund të vërtetohet edhe në telegramin gjegjës, që përcakton zinxhirin komandues në këtë rast.
"Është përgatitur një telegram nga i cili gjykata mund të përcaktojë se në dispozicion të Kuvendit ishin 192 policë. Përgjegjës për menaxhimin e këtyre forcave në terren ishte Zoran Stançevski, jo unë. Telegrami u nënshkrua nga Ivica Vuçevski i Komandës së Argjendtë",- tha Lazarov.
