Studentët e UT-së morën pjesë në seminarin kushtuar Parlamentit si institucioni themelor i të drejtës parlamentare - Bota Sot
Studentët e UT-së morën pjesë në seminarin kushtuar Parlamentit si institucioni themelor i të drejtës parlamentare

Maqedonia

Studentët e UT-së morën pjesë në seminarin kushtuar Parlamentit si institucioni themelor i të drejtës parlamentare

Më: 19 shkurt 2019 Në ora: 15:54
Studentët e Fakultetit Juridik të Universitetit të Tetovës, më 18. 2. 2019, realizuan seminar në Kuvendin e Republikës së Maqedonisë - instituti parlamentar

Studentët e Fakultetit Juridik të Universitetit të Tetovës, më 18. 2. 2019, realizuan seminar në Kuvendin e Republikës së Maqedonisë - instituti parlamentar, me temë: "Parlamenti (Kuvendi) si institucion themelor i të drejtës parlamentare". 

Pjesëmarrës në këtë seminar ishin studentë të drejtësisë, gazetarisë, shkencave politike dhe kriminalistikës, të shoqëruar nga profesori i lëndës E drejta kushtetuese-administrative, Prof. Dr. Jusuf Zejneli. 

Fillimisht ata u pritën në takim nga kryetari i Kuvendit të Republikës së Maqedonisë së Veriut, z. Talat Xhaferi, i cili i njoftoi me rolin e Kuvendit si institucion themelor i sistemit juridik, raportin me institucionet tjera dhe disa nga sfidat dhe prioritetet kryesore të veprimtarisë së Kuvendit që ai drejton.

Veç tjerash u diskutua edhe për shumë tematika që kanë të bëjnë me funksionimin e Kuvendit, rolin e grupeve parlamentare, komisioneve parlamentare, sfidat e shumicës parlamentare e të tjera.  Studentët vizituan edhe disa nga sallat kryesore të Kuvendit dhe sallën në të cilën realizohen seancat e tij. 

Më pas studentët morën pjesë në punimet e seminarit që u realizua në institutin parlamentar, në të cilat u shqyrtuan disa tema si: historia e parlamentarizmit në Maqedoni, organizimi dhe funksionimi i Kuvendit, pozita juridike e deputetëve si dhe funksionet themelore të Parlamentit dhe procedura e miratimit të ligjeve.

Gjatë punimeve të seminarit, studentët e Universitetit të Tetovës ishin mjaft aktiv duke dëshmuar aftësi komunikimi, organizative dhe profesionale.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...