Kuvendi i Republikës së Maqedonisë së Veriut sot miratoi ndryshimet për ligjet e gjykatave, kundërvajtjet dhe kontestet administrative që janë pjesë e reformave gjyqësore.
Ligjet janë me flamur evropian dhe u miratuan me shumicën prej dy të tretave pa asnjë votë kundër dhe të përmbajtur.
Opozita gjatë rrjedhjes së debatit tha se me pranimin e amendamenteve në masë të madhe është përmirësuar teksti i tre ligjeve, por shprehën keqardhje që nuk është zgjidhur problemi me avancimin e punonjësve në administratën gjyqësore.
Ndërsa shumica parlamentare vlerësoi se bëhet fjalë për zgjidhje cilësore, ndërsa në lidhje me Ligjin për kundërvajtje thanë se është bërë zvogëlim i konsiderueshëm i gjobave dhe është zvogëluar afati për vjetërsim nga tre në dy vjet.
Të tre zgjidhjet ligjore u miratuan në kuadër të seancë së 88-të plenare.
