Kandidati për president të vendit, Stevo Pendarovski për "Jutarnji list", thotë se është me rëndësi të veçant që presidenti i ardhshëm i Maqedonisë së Veriut ti fiton edhe votat e shqiptarëve.
"Kjo është me rëndësi të madhe, së pari për shkak të bashkësisë së madhe shqiptare e cila jeton në vendin tonë dhe ka lidhje të shumta me Kosovën dhe Shqipërinë, si dhe për bashkëpunimin rajonal që është parakusht për integrimin europian", thotë Pendarovski.
I pyetur nëse do të hiqet përmendorja e Aleksandrit të Madh nga qendra, Pendarovski thotë se heqja e përmendoreve do të kushtonte shumë para dhe për këtë shkak nuk do të hiqet, por në të gjitha përmendoret do të ketë tabelë se janë nga periudha helene.
