Delegacioni i Maqedonisë së Veriut do të prezantojë reformat në Bruksel - Bota Sot
Delegacioni i Maqedonisë së Veriut do të prezantojë reformat në Bruksel

Maqedonia

Delegacioni i Maqedonisë së Veriut do të prezantojë reformat në Bruksel

Më: 19 mars 2019 Në ora: 09:51
Parlamenti europian

Kryeministri Zoran Zaev sot në Bruksel do të udhëheq delegacionin e Maqedonisë në takimin e Këshillit për stabilizim dhe asocim, i cili udhëhiqet pikërisht nga ai, ku do të prezantojë arritjet e vendit në procesin e reformave.

Këshilli i pesëmbëdhjetë për stabilizim dhe asocim në mes Republikës së Maqedonisë së Veriut dhe BE-së, me të cilën do të bashkë kryesojë edhe përfaqësuesja e BE-së për politikë të jashtme dhe siguri Federica Mogherini, vlerësohet si test i parë paraprak të dinamikës së reformave, e cila është përqendruar në tri fusha, siguri dhe sistemin e inteligjencës, administratën publike dhe gjyqësorin.

Në përbërjen e delegacionit të qeverisë janë zv. kryeministri për Çështje Evropiane, Bujar Osmani, zv. kryeministrja për Mbrojtje, Radmilla Sheqerinska dhe ministri për Punë të Jashtme, Nikolla Dimitrov.

Sipas programit të Komisionit Evropian është paraparë konferencë e përbashkët e Zaevit, Mogherinit dhe Komisarit Johanes Hahn.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...