Ministri nga radhët e LSDM-së, Ljupço Nikollovski dje mori pjesë në tribunë në Probishtip ku foli për reformat e ndërmarra nga Qeveria e udhëhequr nga LSDM, të cilat siç tha ai, shtetin e çuan në rrugën e drejtë si dhe për reformat agrare që e mbështesin bujqësinë dhe bujqit.
Nikollovski foli për eurointegrimet dhe pajtimin me fqinjët si moment kyç për përforcimin e ekonomisë dhe bujqësisë.
“Për arsye të asaj që arritën të bëjmë si Qeveri e çuam shtetin në rrugën e duhur. Ky vit do të jetë vit i ekonomisë. Proceset që i udhëhoqëm, integrimet e suksesshme dhe pajtimet me fqinjët janë vërtetuar me fakte dhe numra. Kemi numër rekord të investimeve, rritje të pagave dhe ulje të normës së papunësisë. Në bujqësi vazhdojnë masat që sigurojnë subvencione, ulje të shpenzimeve për prodhim dhe mbështetje të rritur nga shteti. Me nisjen e bisedimeve me BE-në, do të ketë fonde të reja që sigurojnë më shumë para për bujqit”, tha Nikollovski.
Ai potencoi se zgjedhjet presidenciale duhet të jenë vërtetim për gjithçka që është punuar deri tani.
“Në këto zgjedhjet duhet të vërtetohet nëse jemi në rrugën e drejtë. Qytetarët duan zhvillim dhe integrime në vend të izolimit, dhe për këtë shkak mbështetjen e tyre do ta japin për Stevo Pendarovskin”, tha Nikollovski.
