Deputeti nga radhët e BDI-së, Artan Grubi pas inaugurimit të Stevo Pendarovskit për president të ri të Maqedonisë Veriore, sot në konferencë për shtyp në Kuvend tha se partia e tij BDI nuk do të dorëzojë faturë për atë se kanë dhënë mbështetje në fitoren e kandidatit të koalicionit.
“BDI ishte vendimtare, faktor vendimtar në fitoren e tij, kështu që nuk ka arsye për të ofruar faturat, sepse është kandidati ynë që fitoi në këto zgjedhje presidenciale. “Fatura” më e madhe që është dorëzuar është konsensusi dhe fitorja e politikave të BDI-së dhe kryetarit Ali Ahmeti që kemi vënë në vitin 2014. Fatura më e madhe nga kjo nuk mund të ekzistojë”, tha Grubi në Kuvend duke u përgjigjur në pyetjen e gazetarëve.
Më herët Antonio Milloshoski tha se presidenti është zgjedhur me kredi dhe hipotekë politike.
