Nga partia opozitare OBRM-PDUKM thonë se qeveria e udhëhequr nga LSDM vazhdon të gënjejë qytetarët se po ofron rritje ekonomike në vend.
“Që kur janë në pushtet mbi 500.000 qytetarë jetojnë nën pragun e varfërisë dhe qytetarët mezi po arrijnë të kalojnë muajin.
Rreth 18.500 qytetarë u larguan nga vendi, prej të cilëve 8.000 nuk janë kthyer”, akuzojnë nga OBRM-PDUKM.
Dëshmia që kjo qeveri nuk po bën asgjë është fakti që kompanitë në Republikën e Maqedonisë kanë paguar 32% më pak tatim mbi fitimin në tremujorin e dytë të vitit 2019 në krahasim me të njëjtin tremujor të një viti më parë, dhe në kushte të rritjes së parashikuar prej 3.5% të të ardhurave të kësaj takse për tërë vitin 2019.
Nga atje thonë se nuk ka rrogë mesatare prej 500 euro, as pensione më të larta siç premtoi LSDM-ja në periudhën parazgjedhore.
“E vetmja gjë që qytetarët morën nga kjo qeveri kriminale e kryesuar nga Zoran Zaev është rritja e akcizës për naftën, karburantet më të shtrenjta dhe investimet kapitale zero”, deklarojnë nga partia.
