Shkup: Formohet ekipi për luftë kundër krimit dhe korrupsionit - Bota Sot
Shkup: Formohet ekipi për luftë kundër krimit dhe korrupsionit

Maqedonia

Shkup: Formohet ekipi për luftë kundër krimit dhe korrupsionit

Më: 13 gusht 2019 Në ora: 16:57
Shkup

Qeveria e Maqedonisë së Veriut ka vendosur për formimin e një ekipi operativ për luftë kundër krimit të organizuar dhe korrupsionit.

Ekipi do të përbëhet nga përfaqësues të institucioneve të pushtetit ekzekutiv, ndërsa udhëheqës do të jetë zëvëndës-kryeministri dhe ministri i punëve të Brendshme, Oliver Spasovski.

Prokurorët hetojnë prokurorët
Pjesë e ekipit do të jenë edhe drejtoritë e policisë financiare, të drejtorisë së të ardhurave publike, të doganave, të agjencisë së sigurisë kombëtare dhe të drejtorisë së sigurisë dhe kundër-zbulimit.

“Me këtë vendim Qeveria e Maqedonisë së Veriut dëshmon vendosmërinë e saj të fuqishme për luftë kundër krimit dhe korrupsionit si përcaktim strategjik i punës së saj”, thuhet në njoftimin e qeverisë.

Ekipi operativ do të jetë në dispozicion të plotë të organeve të ndjekjes penale dhe të gjykatave për realizimin e detyrimeve të tyre ligjore.

Vendimi për formimin e këtij trupi vjen në kohën kur Maqedonia e Veriut po përballet me skandale të rënda, si ai i njohur me emrin “Zhvatja”, ku një afaristi i janë marrur 1.5 milion euro, për t’ia lehtësuar atij procesin gjyqësor për një vepër penale.

Në këtë skandal dyshohet të jetë përfshirë edhe kryeprokurorja speciale në dorëheqje, Katica Janeva.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...