Ish-kryetari i Komunës së Gazi Babës, Toni Trajkovski, i cili është i akuzuar në rastin e PSP-së “TNT”, në seancën e sotme të Gjykatës Penale në Shkup kërkoi që të ndryshohet prokurorja speciale Katica Janeva, për shkak të lidhjes së saj në rastin “Haraçi”.
Kërkesa, thotë ai në një njoftim për shtyp, e ka paraqitur nën dyshimin e lidhjes së prokurores speciale Janeva me Adrian Amzoski, persona i autorizuar të kompanisë “Drim Building” nga Struga, i cili ishte edhe menaxher i kompanisë TD “Fine” që ka ndërtuar objektin “Kozmos”. Për të, Komuna e Gazi Babës ngriti kallëzime penale në Prokurorinë Themelore Publike për ndërtim në kundërshtim me lejen e ndërtimit, ndërsa PTHP e përpunoi aktakuzën në Gjykatën Themelore të Shkupit 1. Janeva përsëri, me kërkesë të saj, mori përsipër çështjen dhe tërhoqi kallëzimet penale, ndërsa dy muaj më vonë Amzoski dhuroi më shumë se 16 milionë denarë për Lidhjen Ndërkombëtare të Bojan Jovanovski.
“Në fazën e një seancë të caktuar nga Gjykata Themelore Shkupi 1 pas akuzave penale, Janeva merr përsipër çështjen nga kolegët në prokurori dhe e tërhoqi atë aktakuzë pa dhënë prova. Ne dyshojmë për lidhjen midis tërheqjes së akuzave dhe nënshkrimit të marrëveshjes së bashkëpunimit “Drim Building” me Lidhjen Ndërkombëtar dy muaj pas tërheqjes së aktakuzës”, tha Trajkovski.
Ai shtoi se ka pritur që për arsye morale Janeva të kërkon ndryshim të rastit “TNT”.
