Gjithsej 10.8 milionë euro nga Ministria e Punës dhe Politikës Sociale (MPPS) janë vendosur në dispozicion të komunave për zhvillimin e shërbimeve sociale në nivel lokal, për pesë vitet e ardhshme.
MPPS ju bën thirrje komunave të aplikojnë për grantet e dedikuara për shërbime komunale, ndihmë individuale ose familjare, ndihmë shtëpiake, asistencë personale, ndihmë ditore, kujdes të përkohshëm, qendra ditore dhe shërbime për jetesë me ndihmë dhe shërbime tjera inovative.
Nga MPPS thonë se me “Projektin për përmirësimin e shërbimeve komunale” zhvillohet dhe përmirësohet cilësia e shërbimeve sociale në bashkësitë lokale, sipas nevojave të qytetarëve dhe qasjen tek shërbimet sociale të dedikuara për grupet e prekura sociale, personat më të vjetër, personat me nevoja të veçanta dhe personave tjerë.
Thirrja publike është publikuar në web-faqen e MPPS-së, ku është edhe formulari për paraqitje. Afati i fundit për aplikim është 31 tetori i këtij viti.
