Diplomati i njohur amerikan Christopher Hill ka komentuar vendimin e Këshillit Evropian për të refuzuar dhënien e datës për fillimin e negociatave për Maqedoninë e Veriut dhe Shqipërinë. Ish-ambasadori amerikan në disa vende, përfshirë edhe Shkupin, ka deklaruar se presidenti francez Emanuel Macron po tenton të promovohet në liderin e ardhshëm evropian. Ai vlerëson se zhgënjimi dhe hidhërimi rreth vendimit të Macronit mund të ndjehet në Tiranë dhe Shkup.
“I përballur me kërkesat e tilla dhe luftimit me korrupsionin të trashëguar nga paraardhësi i tij (i cili për çudi tani është në azil në Hungari), kryeministri i ri dhe pa përvojë i Maqedonisë Zoran Zaev përfundoi se vendi i tij duhet urgjentisht të inkuadrohet në NATO dhe BE. Ai shumë shpejtë e ka zgjidhur kontestin afatgjatë për emrin, i ka normalizuar marrëdhëniet me Greqinë, i qetësoi bullgarët dhe ka apeluar për anëtarësim”, tha Christopher Hill, diplomat amerikan.
Hill thekson se Zaev e ka ditur se ndërrimi i emrit nuk do të kalojë mirë në sondazhe, sepse shumë maqedonas shikojnë në atë si poshtërim i cili mund të arsyetohet vetëm me inkuadrim në BE. Por, sepse NATO-ja dhe BE-ja e potencuan problemin me emrin si pengesë kryesore për anëtarësimin, ai dhe opinioni i Maqedonisë kanë shpresa të larta për inkuadrim në të dy organizatat.
“NATO-ja duket se do ta mbajë premtimin edhe pse disa anëtare ende duhet ta miratojnë atë. Pritet Maqedonia e Veriut të bëhet anëtare me të drejtë të plotë në NATO është shumë më i ngadalshëm. Macron i cili tregon shumë pak për temën, supozohet se është i brengosur se zgjerimi i vazhdueshëm i Unionit do ta bëjë reformën e strukturës së saj udhëheqëse shumë më të rëndë. Por, duke shkelur frenat e ka lënë Zaevin në pozitë të palakmueshme”, tha Hill.
Hill shkruan se votuesit e Maqedonisë së Veriut me shpresa të humbura do të kthehen në vendvotimet për zgjedhjet parlamentare në muajin prill. Ai thotë se në të kaluarën mund të pritej që Shtetet e Bashkuara të ngjiten në skenë, por në kontekst të politikës së jashtme të padefinuar të presidentit amerikan Donald Tramp, situata në vendet e vogla dhe të largëta si Maqedonia e Veriut dhe Shqipëria mezi shihet.
