Në Gjykatën Penale të Shkupit, sot u mbajt seanca për rastin ‘Haraçi’ ku të akuzuar janë Bojan Jovanovski – Boki 13 dhe Katica Janeva ndërsa gjatë seancën u dëgjuan edhe dëshmi të incizimeve të telefonit mes Jordan Kamçev dhe Boki 13.
Bojan Jovanovski në një thirrje telefonike me Kamçevit i thotë se po dyshon se dikush tjetër po e dëgjon bisedën e tyre, ndërsa Kamçev i thotë se nuk është e saktë dhe se ai është i vetëm.
“Ndjeva se bisedën e dëgjon edhe dikush tjetër”, thotë Jovanovski ndërsa Kamçev i thotë “Jam vetëm, vozis veturë, jam në rrugë. Këto biseda nuk folen para askujt, nuk jam fëmijë”.
Më pas, në audio-incizimet dëgjohet biseda mes Jovanovskit dhe Kamçevit se si bisedojnë kompetencat ndaj lëndëve të PSP-së, pasi që PSP shuhet.
Kamçev dhe Jovanovski e pyet Jovanovskin “Kush do t’i merr kompetencat’ ndërsa Jovanvoski i përgjigjet “PSP”.
Kamçevi e bind Jovanvoskin se askush nuk do të marrë vesh për marrëveshjet e tyre duke i thënë se të kanë interes.
“Shumë është punë e kryer, nëse dy palët janë marrë vesh. Për dashuri nevojiten dy persona, edhe ti ke interes edhe unë. Kaq’, i thotë Kamçevi Boki 13.
Gjatë seancës u publikuan edhe audio-incizime të tjera mes Bojan Jovanovski, Zoran Milevski, Ana Kamçevës dhe Orce Kamçev.
