Në takimin e sotëm të rregullt me gazetarët, kryetari i Komunës së Dibrës, Hekuran Duka, i cili kryeson Shtabin Operativ komunal, informoi se ekipet mjekësore tashmë janë përforcuar me mjekë në Spitalin e Përgjithshëm në Dibër, ndërsa kishin mbërritur masë e konsiderueshme e pajisjeve mbrojtëse.
“Stafi mjekësor është përforcuar me nga dy pediatër dhe një infektolog, si dhe dy specialistë të pulmologjisë. Kanë mbërritur edhe masat mbrojtëse, deri më tani kjo është zgjidhur dhe është e mjaftueshme”, tha Duka.
Ai informoi se dje ishin regjistruar tre raste të reja.
“Nga numri i përgjithshëm i personave të infektuar me koronavirus në nivel shtetëror nga Dibra dhe Qendra e Zhupaës janë 30 persona. Në izolim shtëpiak janë 107 persona, që nuk do të thotë se janë të infektuar, por në mesin e atyre që kanë pasur kontakte me njerëz tek të cilët është konfirmuar se kanë virusin, gjë që tregon qartë se situata po përkeqësohet”, vlerësoi Duka.
Ai shtoi se higjiena në qytet është e shkëlqyeshme, falë NPK “Standard” dhe stafit të Njësisë Territoriale të Zjarrfikësve.
“Dezinfektimi i rreth 95 për qind të qytetit, më shumë vendbanime rurale, më pas 25 ndërtesa banimi kolektive, ndërtesa fetare. Paralajmërohet edhe arritja e dy ekipeve të specializuara të dezinfektimit që do të jenë në qytetin tonë dhe do të jetë ndihmë e madhe për “Standard” dhe NjTZ”, njoftoi Duka.
Ai theksoi se tashmë ka mbërritur ndihma nga institucione të ndryshme, por gjithashtu se do të arrijnë edhe më shumë ndihma humanitare.
Ai u bëri thirrje qytetarëve që të mos vijnë kot në pikën ku shpërndahet ndihma humanitare dhe të mos bëjnë tollovi, por vetëm ata që do të njoftohen me telefon.
