Kryetari i BDI-së, Ali Ahmeti në përvjetorin e 142 të Lidhjes së Prizrenit i është drejtuar me mesazh shqiptarëve të Maqedonisë së Veriut.
Përmes një video-mesazhi ai kërkon të mbështesin kërkesën e tij për zgjedhjen e kryeministrit të parë shqiptar në Maqedoninë e Veriut.
“Tani është koha. Është koha për t’u bashkuar, koha për të vepruar përsëri së bashku. Kjo është një thirrje për të gjitha partitë shqiptare dhe të gjithë qytetarët shqiptarë dhe të tjerët, për të mbështetur kauzën tonë, e cila është më e madhe se të gjithë ne”.
“Është koha për kryeministrin e parë shqiptar në Maqedoninë e Veriut!”
