Kredia nga Banka Botërore e ashtuquajtura hua e shpejtë, e cila u mor nga gati 100 vende të botës dhe synon të forcojë sistemin shëndetësor në secilën prej tyre. Bëhet fjalë për 34 milion dollarë, një plan është përgatitur për ta dhe ndër të tjera ato do të përdoren për vendosjen e 16 mini COVID departamente mobile në të gjitha spitalet, ku është identifikuar nevoja, si dhe për pajisjen me pajisje mjekësore në secilën nga këto qendra të COVID me aparat lëvizës me rreze X, makina EHO dhe për një numër të përshtatshëm testesh.
Kjo u deklarua sot nga Ministri i Shëndetësisë Venko Filipçe, duke iu përgjigjur në pyetjen e gazetarëve në lidhje me huanë nga Banka Botërore dhe shtoi se për këtë vit janë dhënë dhjetë milion dollarë, për të cilat ai thotë se jo të gjithë do të shpenzohen, sepse e gjithë procedura është vonuar.
Për vitin e ardhshëm, këto fonde do të përdoren për pajisjen e disa spitaleve ekzistuese, të cilat përballen me mungesë të pajisjeve dhe të cilat kanë kushte për kujdes intensiv, siç janë spitalet në Tetovë, Ohër dhe Strumicë.
“Do të sigurohen ilaçe për tërë vitin 2021, të gjitha ilaçet që kemi tani përmes studimit të OBSH-së, ndihma nga Japonia, më tej të gjitha ilaçet që jepen për këta pacientë më të vështirë, por edhe për një numër të përshtatshëm të testeve për të gjithë vendin, dhe shuma e parave do të shkojë për të mbështetur FSSH dhe do të shpërndahet në mënyrë të barabartë në të gjitha institucionet shëndetësore publike”, shpjegon Ministri i Shëndetësisë.
