Angell Dimitrov thotë se ka presion ndaj Bullgarisë për qëndrimin ndaj Maqedonisë së Veriut

Maqedonia

Angell Dimitrov thotë se ka presion ndaj Bullgarisë për qëndrimin ndaj Maqedonisë së Veriut

Më: 16 tetor 2021 Në ora: 15:03
Angell Dimitrov

Bashkëkryesuesi bullgar në Komisionin e përbashkët për çështje historike dhe arsimore dhe ish-ambasadori i Bullgarisë në Maqedoni, Angell Dimitrov tha se diplomacia amerikane dhe partnerët e BE-së po manifestojnë standarde të dyfishta ndaj Bullgarisë, por kjo nuk do ta ndryshojë qëndrimin në marrëdhëniet bilaterale dhe nuk mund të pritet që Sofja të heq dorë nga presionet e jashtme.

Ai për radion bullgare “Sabota 150” tha se “me siguri SHBA-të kanë bisedime me Maqedoninë e Veriut rreth qëndrimit të tyre, por kjo nuk bëhet e ditur”.

Dimitrov po ashtu shprehu rezerva ndaj deklaratës së Zaev i cili tha se pas zgjedhjeve në Bullgari do të rriten gjasat për tejkalimin e vetos bullgare për anëtarësimin e Maqedonisë në BE, duke theksuar se qëndrimet janë të shpehura në dokumente dhe të miratuara në kuvendet e dy vendeve.

Ai po ashtu nuk u shpreh optimist për sukses në mbledhjen e ardhshme në Komisionin e përbashkët për histori dhe akuzoi kolegët e tij nga Maqedonia se kanë qenë “rojtar të miteve historike” dhe tani janë “ideologë të mosmarrëveshjeve dhe qëndrimeve antibullgare që për Sofjen nuk janë të pranueshme”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat