Fuat Spahiu, kryetar i Këshillit të Dibrës

Maqedonia

Fuat Spahiu, kryetar i Këshillit të Dibrës

Më: 3 dhjetor 2021 Në ora: 14:15
Fuat Spahiu

Këshilli i komunës së Dibrës e mbajti mbledhjen konstituive, të cilën e filloi me një minutë heshtje në shenjë të nderimit për udhëtarët e vdekur në aksidentin e autobusit, në të cilin në mesin e 45 të vdekurve janë edhe dy nëpunës të policisë së Dibrës me bashkëshortet e tyre.

Me mbledhjen kryesoi këshilltari më i moshuar, Bashkim Mashkulli nga BDI-ja, i cili gjatë dy mandateve të kaluara ishte kryetar i Këshillit.

Me shumicë të votave kryetar i këshillit ishte zgjedhur Fuat Spahiu (37) jurist i diplomuar, këshilltar nga radhët e BDI-së, i cili është udhëheqës i Njësisë Rajonale të Fondit për Sigurim Shëndetësor.

Këshilli i komunës numëron 15 anëtarë, gjashtë janë nga radhët e BDI-së, pesë nga Aleanca për Shqiptarët dhe nga dy nga LSDM dhe VMRO-DPMNE.

Punë të suksesshme këshilltarëve në interes të qytetarëve iu dëshiroi edhe kryetari Hekuran Duka. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat