Incidenti në Kuvend, reagon BDI: OBRM-PDUKM dhe ASH mbrojnë krimin

Maqedonia

Incidenti në Kuvend, reagon BDI: OBRM-PDUKM dhe ASH mbrojnë krimin

Më: 27 qershor 2022 Në ora: 21:29
Foto ilustrim

Bashkimi Demokratik për Integrim është deklaruar pas incidentit në Kuvendin e Maqedonisë, respektivisht në Komisionin për Çështje Evropiane, duke thënë se OBRM-PDUKM dhe ASH mbrojnë krimin, përcjell Telegrafi Maqedoni.

“Bashkimi Demokratik për Integrim dënon ashpër dhunën e ushtruar sot në seancën e Komisionit për Çështje Europiane në Kuvend nga ana e deputetëve të OBRM-PDUKM-së bashku me deputetët e Aleancës për Shqiptarët.

Gjithmonë kur temë e diskutimit dhe në rend dite në Kuvend është vendosja e drejtësisë në vend, OBRM-PDUKM dhe Aleanca për Shqiptarët provokojnë dhunë verbale dhe fizike me qëllim që të mbrojnë krimin dhe gjithnjë shfaqen kundër funksionimit të mirëfilltë të sistemit gjyqësor.

Sot në seancën e Komisionit për Çështje Europiane edhe njëherë u dëshmua se OBRM-PDUKM dhe partitë tjera opozitare ushtruan dhunë për tëbllokuar punimet e Komisionit dhe pikërisht deputetët të cilët janë nën hetime, nxitën incident dhe ndaluan seancën.

Bashkimi Demokratik për Integrim informon qytetarët dhe mbarë opinionin se Kuvendi do të vazhdojë të funksionojë në frymën pro perendimore-euroamerikane dhe do ta mbështesë agjendën reformuese në partneritet me Shtetet e Bashkuara të Amerikës dhe Bashkimin Europian” thonë nga BDI. /

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat