Pendarovski: Jemi të interesuar që NATO të hapë qendër për siguri kibernetike në RMV

Maqedonia

Pendarovski: Jemi të interesuar që NATO të hapë qendër për siguri kibernetike në RMV

Më: 7 dhjetor 2022 Në ora: 20:06
Stevo Pendarovski:

Presidenti Stevo Pendarovski sot ishte në vizitë të parë në Komandën Supreme të Forcave të NATO-s për Evropë në Mons, të Belgjikës, ku pati takim me komandantin suprem të forcave të NATO-s dhe të trupave të SHBA-së në Evropë, gjeneral Kristofer Kavoli.

Pas takimit me Kavolin, presidenti Pendarovski kishte një brifing të shkurtë me gazetarët nga Maqedonia e Veriut, të cilët janë mysafirë në Departamentin e Diplomacisë Publike në NATO. Gjatë kësaj theksoi se temë e bisedimeve me Kavolin ishte lufta në Ukrainë dhe ndihma joushtarake të cilën Aleanca ua jep forcave ukrainase, si dhe për kontributin të cilin Maqedonia e Veriut në kuadër të kapaciteteve të saja ia ofron Ukrainës me qëllim të ndërprerjes së agresionit ushtarak, mbrojtjes së vlerave demokratike dhe vendosje të paqes.

Vlerësimet e përfaqësuesve të lartë të NATO-s janë se jo që nuk presin ndryshim të vijës së veprimeve luftarake gjatë periudhës së dimrit, por edhe se do të vazhdojë mbështetja joushtarake e NATO-s për Ukrainën derisa Kievi nuk ka nevojë për atë dhe në takimet me gazetarët nga Maqedonia e Veriut theksuan se askush nuk mund të thotë kur do të përfundojë lufta në Ukrainë, por mbështetja për Kievin do të vazhdojë derisa ka nevojë për të.

Në bisedën e Pendarovskit dhe Kavolit është biseduar edhe për çështje me rëndësi rajonale, si dhe për gjendjen e sigurisë në Kosovë ku Maqedonia e Veriut participon në misionin e KFOR-it të kryesuar nga NATO-ja me kontingjent prej 65 ushtarëve.

Pendarovski në takim ka kërkuar nga NATO-ja hapjen e Qendrës për Siguri Kibernetike pas shumë sulmeve kibernetike me të cilat u përball vendi gjatë periudhës së kaluar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat