Komisari evropian për politika të fqinjësisë dhe zgjerim, Johanes Hahn u takua të enjten në Bruksel me kryetarin e ri të Kuvendit të Maqedonisë Talat Xhaferi dhe me këtë rast shprehu gatishmërinë e BE-së për të bashkëpunuar me të, duke theksuar se parlamentit duhet mundësuar punë e papenguar.
Hahn në emër të BE-së serish ka dënuar sulmet e fundit ndaj deputetëve dhe gazetarëve në Parlamentin e Maqedonisë, duke paralajmëruar se përsëritja e këtyre veprimeve do të rrezikojë seriozisht perspektivat evropiane të vendit, thuhet në kumtesën e Komisionit Evropian.
