Lidhja Demokratike (LD) përmes një kumtese thekson se, pas mbështetjes së fuqishme nga jashtë për qeverinë e re duhet urgjentisht të ketë bashkim të brendshëm mes gjithë partive politike, që të mundësohet anëtarësimi në NATO.
“Ndihma për reforma nga BE-ja, NATO dhe SHBA-të, si dhe ndihma për mbështetje financiare për ndërmarrjet e vogla dhe të mesme është bazë e mirë për kyçje në reforma nga gjithë partitë, sektori joqeveritar, ekspertët dhe mediat. Presim që pengesat dhe bllokadat e fundit për anëtarësim në BE dhe NATO të ndalojnë dhe përfundimisht Maqedonia të lëvizë drejt standardeve evropiane”, thuhet në kumtesën e LD-së.
Nga LD thonë se testi i parë për gjithë partitë do të jetë vazhdimi i mandatit të PSP-së, formimi i gjykatës që do të veprojë në lëndët e PSP-së, si dhe zgjedhja e prokurorit publik.
