Përmes një konferencë për shtyp, OBRM-PDUKM-ja kërkon anëtarësimin e menjëhershëm të Maqedonisë në Bashkimin Evropian dhe Aleancën Veriatlantike – NATO.
Sipas Vllatko Gjorçevit nga OBRM-PDUKM-ja, Maqedonia i ka plotësuar kriteret për anëtarësim në NATO dhe për fillim të bisedimeve për anëtarësim në BE. Ai theksoi se me vendimin e Gjykatës ndërkombëtare të Drejtësisë në Hagë më 2011, u vërtetua se Greqia e ka shkelur marrëveshjen e përkohshme duke vënë VETO për Maqedoninë.
OBRM-PDUKM-ja pret që Zaevi dhe Qeveria e re do ta plotësojë premtimin për anëtarësim, duke mos prekur në çështjen e identitetit të vendit dhe duke mos u arritur marrëveshje, siç thonë, në dëm të popullit dhe shtetit të Maqedonisë.
