Presidenti i Maqedonisë Gjorge Ivanov po qëndron për vizitë dyditore zyrtare në Republikën e Çekisë.
Siç njoftuan nga kabineti i tij, Ivanov sot në Pragë me nderime më të larta shtetërore dhe ushtarake do të pritet nga presidenti i Çekisë, Millosh Zeman. Është paraparë që dy presidentët të mbajnë takim të përbashkët, me çka dy delegacionet zyrtare do të mbajnë takim plenar.
Në kuadër të vizitës dyditore zyrtare në Republikën e Çekisë, presidenti Ivanov do të realizojë takim me kryeministrin e Çekisë Andrej Babish, me kryetarin e Senatit Milan Shteh dhe me kryetarin e Dhomës së deputetëve, Radek Vondraçek.
Presidenti i Maqedonisë është i shoqëruar nga bashkëshortja e tij, Maja Ivanova e cila në kuadër të programit të zonjave do të vizitojë Institutin nacional për autizëm- NAUTIS në Pragë.
