Opozita hungareze nuk është aspak e kënaqur me vendimin e dhënies së azilit për ish-kryeministrin e Maqedonisë, Nikolla Gruevski.
Kështu, liderët e tre partive opozitare në parlamentin hungarez, në një letër të hapur, shkruajnë se vendimi i qeverisë së Viktor Orban lidhur me cështjen Gruevski është i turpshëm.
Këtë letër, ata e kanë dërguar te të gjitha organizatat ndërkombëtare, madje edhe në ambasadat e disa vendeve.
Në fund të letrës së hapur, partitë opozitare i bëjnë thirrje qeverisë që të tërhiqet azili i Gruevskit dhe ai të lërë urgjentisht Hungarinë dhe të ekstradohet.
“Është e papranueshme të kuptojmë nga mediat e huaja se Qeveria hungareze i ka dhënë azil kriminelit i cili kërkohet me urdhër-arrest ndërkombëtar”, theksojnë në letrën e përbashkët Bert Alan Tot, kryetar i Partisë Socialiste të Hungarisë, Sabo Timea, bashkëkryetar i Partisë Dialog për Hungarinë dhe Ferenc Gurçani, lider i Koalicionit Demokratik.
Po ashtu, liderët akuzojnë Orban se ka angazhuar diplomatë hungarezë për ta ndihmuar Gruevskin që të arratiset nga Maqedonia përmes disa vendeve ballkanike.