Një shtyllë elektrike në afërsi të një fshati të Bllagoevgradit, Bullgari, është pjesë e një mashtrimi të madh, ku regjistrohen shtetas të Maqedonisë për të marrë pasaportë bullgare.
Kështu shprehet Katja Mateva për EU Observer. Ajo është ish-drejtoreshë për shtetësi në Ministrinë e Drejtësisë të Bullgarisë.
Ajo ka punuar në këtë drejtori deri në vitin 2016, kur edhe u pushua nga puna pasi që, siç thotë vetë, ka kundërshtuar të jetë pjesë e dhënise ilegale të shtetësisë bullgare për para.
Sipas Matevës, paguhen nga 500 e deri më 7000 euro për t’u pajisur me pasaportën bullgare.
Në lidhje me këtë, në tetor, në Bullgari u kryen disa arrestime, mirëpo Mateva thotë se kjo nuk paraqet gjë, pasi që procedura e dhënies nuk është ndaluar ende.
