Këngëtarja Elvana Gjata ka zbuluar një surprizë të këndshme për të gjithë fansat e saj gjatë një interviste të dhënë për mediat vendore.
Këngëtarja la të kuptohet se koha e pritjes po merr fund, pasi shumë shpejt do të kthehet me një projekt të ri.
“Mezi po pres të këndoj për të gjithë ju, të përqafohem dhe një herë me publikun dhe të jap shpirtin tim”, është shprehur këngëtarja.
Projekti i saj i fundit ishte “Mike”, të cilin e realizoi me këngëtarin Ledri Vula dhe John Shahun, këngë kjo e cila rezultoi shumë e suksesshme në tregun muzikor.
Kujtojmë se kjo është dalja e parë e Elvanës, pas ngjarjes së rëndë të disa muajve më parë, ku i dashuri saj u përfshi në një atentat në Bllok, ku mbeti i vrarë një person.
