I ftuar në emisionin ‘Rudina’ ishte Albert Dumani. Moderatorja e emisionit Rudina Magjistari, së bashku me Albertin në një moment të caktuar gjatë intervistës nisën të qeshnin dhe nuk po ndalonin dot!
Dumani po fliste për udhëtimin e tij në Indi, dhe u ngatërrua teksa thoshte: ‘Për mua ishte udhëtimi i jetës. Ishte vend që ne e kemi parë vetëm në foto apo në ndonjë serial, por teksa e shikoje me sytë e tu, me sytë e ty, me sytë e tu…’.
Këtu Rudina nisi të qeshte me të madhe së bashku me Albertin.
“E mban mend Borgjezi Fisnik me Skender Sallakun? E bëre si ai”, i tha Rudina teksa të dy nuk pushonin së qeshuri.
“Na kapi budallallëku, marrim frymë thellë dhe ristartojmë”, u shpreh Rudina dhe më pas intervista vazhdoi normalisht.
