Qyteti i Ed Sheeran-it krenohet me këngëtarin e famshëm - Bota Sot
Qyteti i Ed Sheeran-it krenohet me këngëtarin e famshëm

Mediale Vip

Qyteti i Ed Sheeran-it krenohet me këngëtarin e famshëm

Më: 20 gusht 2019 Në ora: 17:14
Ed Sheeran

Qyteti pak i njohur i Ipswich-it në Anglinë lindore, historikisht është krenuar për bujqësinë dhe futbollin, por tani, i gëzohet edhe një karriere yjore popi, atë të birit të tij më të famshëm, Ed Sheeran.

Rrugëtimi i makinerisë së hiteve globale drejt yjeve, nisi në qytetin pranë Framlingham-it, ku ai bëri edhe performancën e parë para rreth 30 personave. 14 vite më vonë, këngëtari ka kryer një turne ndërkombëtar 2-vjeçar, në të cilin ai ka luajtur për thuajse nëntë milionë njerëz, me katër kthime në shtëpi, pikërisht në Ipswich.

Një ekspozitë e titulluar “Made in Suffolk” sjell karrierëm e kantautorit që ka krijuar hite si “Shape of You”, që i dha atij një pasuri prej 194 milionë dollarësh.

Ekspozita flet edhe për vendosmërinë e tij për t’ia dalë mbanë në biznesin e muzikës dhe mbështetjen pa rezerva të prindërve. Një video montazh, ndjek udhëtimin e tij nga fëmijëria e hershme deri në rini, me fytyrën e tij rrumbullake dhe flokët e kuq, duke luajtur në piano, bas apo kitarë, gjithnjë me buzëqeshje në fytyrë.

Karriera e Ed Sheeran-it nisi në 2011-n me albumin e parë, ndjekur nga një seri hitesh, mes të cilave “”Thinking out loud” dhe “Castle on the hill”.

 

 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...