Miqësitë në ‘showbiz-in’ shqiptar janë të rralla, kjo për shkak se marrëdhëniet e ndryshme të VIP-ave të estradës sonë kanë pasur shpehherë luhatje.
Megjithatë kur vjen puna tek treshja e njohur, Flori Mumajesi, Klajdi Haruni dhe Bruno, nuk mund të themi të njëjtën gjë.
Ata janë shfaqur në evente apo dalje publike gjithmonë të 3, duke treguar dhe se gëzojnë një miqësi të rrallë prej shumë vitesh tashmë.
Pak më parë ka qenë Flori ai i cili ka publikuar një foto krah 2 kolegëve të tij, në një ambient ku duket se kanë performuar së bashku. “Bashkë”, ka shkruar këngëtari bashkangjitur me disa figura zemrash, duke e treguar dhe njëherë raportin e veçantë që gëzojnë.
Kujtojmë se vetëm disa javë më parë, Mumajesi vendosi të rikthehet në rrjetet sociale, pas një shkëputjeje disa mujore nga rrjetet sociale.
