Shqiptarët më të bashkuar se kurrë më parë, kanë dhuruar 1 milion dollarë për të prekurit nga tërmeti në Shqipëri.
Nisma e organizuar nga Arbër Hajdari dhe Mozzik në kuadër të “Fundjavë ndryshe”, ka shënuar rezultat të jashtëzakonshëm, shkruan lajmi.net.
Për më pak se 24 orë, shqiptarët vullnetmirë kanë dhuruar 1 milionë dollarë, për t’iu dalë në ndihmë vëllezërve në Shqipëri.
Lajmin e bëri të ditur Mozzik përmes një postimi emocionues, ku mesazhi kryesor i tij ishte “bashkë ia dalim”.
KY ËSHTË POSTIMI I PLOTË I MOZZIK, PA NDËRHYRJE:
“Arritëm diçka qe se kemi bërë kurrë së bashku !!!!
Arritëm 1 milion dollarë para së bashku ,për tragjedinë e tërmetit në Shqipëri.
O Shqiptarë kurrë më të bashkuar nuk iu pasna pa,lus Zotin të jemi gjithmonë kshtu në këtë ritëm !
Fshehurazi pom rrjedhin lotët , lot dhimbje për humbjen e viktimave,për trishtimin qe e panë sytë e njerëzve..e ai loti i fundit po më jep shije krenarie e gëzimi,po ma zbërthen fjalën ” Bashkë ia dalim”
Jeta ka sprova të shumta,çdo ditë e kemi sfidë , të qëndrojmë bashkë në diell e në shira!
Zoti është më i madhi , e vetëm te ai ndihmë kërkojmë !
Faleminderit gjithve ❤️ Vazhdojmë tutje ! ??
Gramoz Aliu ( Mozzik ) @fundjavendryshe @arberhajdari“.
