Ariana Grande ia shpreh dashurinë Dalton Gomezit në urimin që ia bëri për ditëlindje.
Ata filluan lidhjen në fillim të këtij viti, pasi fansat vunë re fotografitë e tyre bashkë në rrjete sociale, shkruan DailyMail.
Ariana Grande e uroi të dashurin Dalton Gomez të premten me rastin e ditëlindjes, duke ndarë imazhe të ëmbla me të.
Pop-ylli 27 vjeçar, përmes fotografive dhe videove që i ndau me fansat, tregoi se sa të pandarë janë ata.
Ariana publikoi fillimisht një video me Dalton, ku shfaqet duke u mbështetur në krahët e tij.
Dalton, që është agjent i pasurive të patundshme shihet se si po i dhuronte një puthje të ëmbël këngëtares, ndërsa ajo po buzëqeshte.
“Urime ditëlindjen i dashuri im, shoku më i mirë, pjesa ime e preferuar e të gjitha ditëve. Të dua”, kishte shkruar ajo.
Në një video tjetër, çifti po luanin një lojë bashkë, duke treguar si e kalojnë kohën me njëri-tjetrin.
Po ashtu, artistja ndau edhe fotografi të tjera, ku shfaq momente të lumtura me të dashurin.