Në fund të muajit gusht, këngëtarja Katy Perry dhe i fejuari i saj, Orlando Bloom, kanë mirëpritur fëmijën e tyre të parë së bashku, një vajzë që e kanë pagëzuar me emrin Daisy Dove Bloom.
Katy dhe Orlando e dhanë lajmin e bukur për UNICEF, organizatën për të cilën ata shërbejnë si ambasadorë të mërkurën, 26 gusht.
“Ne jemi të mbushur me dashuri dhe befasi nga ardhja e sigurt dhe e shëndetshme e vajzës sonë. Por ne e dimë që jemi me fat dhe jo të gjithë mund të kenë një përvojë lindjeje aq të qetë sa ishte e jona”, thanë ata në një deklaratë.
Vajza e çiftit erdhi në jetë të mërkurën, duke e bërë Perry-në nënë për herë të parë dhe Flynn 9-vjeç vëlla të madh. Ky është djali i vetëm i Bloom me ish-gruan Miranda Kerr.
Dy javë pas lindjes, këngëtarja u fotografua për herë të parë në publik dhe të gjithë i kishin sytë tek barku i saj.
Megjithëse ende nuk ka rikthyer format perfekte pas lindjes, Katy meriton notën dhjetë pasi është një nënë super e përkushtuar!
Madje, ajo kalon aq shumë kohë me foshnjën e saj, sa ka nxjerrë një mësim të rëndësishëm nga mëmësia!
Në një postim në Twitter këngëtarja ka shkruar:
“Keqkuptim shumë i famshëm: Të jesh nënë s’është punë me kohë të plotë.”
Në fakt, është që ç’ke me të!
“Kur një mama më në fund kthehet në punë (çfarëdo profesioni qoftë) nuk është se po kthehet nga pushimet. Duhet të keni parasysh që ajo vjen nga një punë me kohë të plotë. Merreni në telefon mamanë dhe tregojini sa shumë e doni!”- është shprehur më tej Perry.
Mos harroni t’i shprehni dashurinë nënës tuaj!
