Këngëtarja shqiptare me famë ndërkombëtare, Eleni Foureira, i është bashkuar trendit të publikimit të fotografive me bikini në rrjetet sociale.
Ajo ka pozuar me bikini të zeza dhe ka thënë se është duke punuar në linjat e saja trupore.
Në javën e kaluar, Eleni ka mbajtur një koncert në Tiranë, ku ishin mbledhur mijëra fansa për ta ndjekur nga afër.
Këngëtarja, e cila përfaqësoi Qipron në Eurovision, është shprehur e kënaqur me shqiptarët e grumbulluar në kryeqytet për të shikuar performancën e saj.
31-vjeçarja, e cila ka lindur në Fier të Shqipërisë, ishte një prej tre shqiptarëve që ishin pjesëmarrës në edicionin e sivjetmë të Eurovisionit.
Në ‘Eurosong 2018’, ajo e përfaqësoi Qipron me këngën “Fuego”, ndërsa ishte shumë pranë që ta fitonte garën, mirëpo mbeti prapa përfaqësueses së Izraelit, Netta, e cila triumfoi.
Ajo u largua që si fëmijë për në Greqi së bashku me familjen, vend i cili ia hapi dyert e suksesit, duke u shndërruar në një ndër këngëtaret më të mira të muzikës pop atje. Megjithatë, ishte Qiproja vendi që e zgjodhi për ta përfaqësuar në Eurovision.
