Uthull molle dhe mjaltë për pastrimin e mushkërive - Bota Sot
Uthull molle dhe mjaltë për pastrimin e mushkërive

Mjekësi alternative

Uthull molle dhe mjaltë për pastrimin e mushkërive

Më: 14 prill 2019 Në ora: 23:13
Foto ilustruese

Bllokimi që shkaktohet në kraharor shoqërohet edhe me një kollë të fortë, nëpërmjet së cilës mushkëritë përpiqen të pastrohen.

Gripi dhe e ftohura nuk janë të vetmit që shkaktojnë bllokim të kraharorit nga sekrecionet apo siç njihet, gëlbaza. Një gjë e tillë mund të ndodhë si pasojë e bronkitit, astmës, fibrozës cistike dhe alergjive. Ju mund t’u vini në ndihmë mushkërive tuaja duke konsumuar lëngje të ngrohta të kockave, supa, çaja bimorë e të tjerë. Ndër ushqimet dhe pijet më të rekomanduara nga ekspertët për këtë problem veçohet mjalti i cili është shumë efikas për pastrimin e mushkërive. Sipas informacioneve, një i rritur mund të konsumojë një lugë gjelle me mjaltë çdo 3 deri në 4 orë. Ushqime të tjera të dobishme janë hudhra, limoni, erëzat, shega dhe xhenxhefili.

PËRBËRËSIT: Gjysmë luge çaji (2-3 gramë) me xhenxhefil pluhur;

Gjysmë luge çaji (2-3 gramë) me spec djegës pluhur;

Çerek filxhani çaji (100 ml) me uthull molle të pafiltruar;

3 lugë gjelle (15 ml) me mjaltë;

Çerek filxhani çaji (100 ml) me lëng të freskët limoni

PËRGATITJA: Zieni së bashku uthullën dhe lëngun e limonit. Sapo të marrë valë hiqeni nga zjarri, shtoni mjaltin, xhenxhefilin dhe specin djegës. Përziejini mirë së bashku deri sa të përfitoni një lëng me një përmbajtje uniforme të cilin duhet ta hidhni në një shishe qelqi. Rekomandohet të konsumoni një lugë gjelle dy herë në ditë për 2-3 ditë me radhë.

Njerëzit që kanë probleme me fjetjen si pasojë e bllokimit të mushkërive nga sekrecionet e trasha rekomandohen të përdorin dy jastëkë. Koka duhet mbajtur ngritur që të pengojë kollën dhe problemet me frymëmarrjen. Ju duhet të shkoni tek mjeku nëse sekrecionet zgjasin më shumë se tre ditë, përkeqësohen ose kanë ngjyrë jeshile apo të verdhë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...