Ky është shqiptari që fitoi 1 milion dollarë në loto

Ndryshe

Ky është shqiptari që fitoi 1 milion dollarë në loto

Më: 18 nëntor 2022 Në ora: 14:56
Gazmen Hashani

Gazmen Hashani 49-vjeçar ka fituar një çmim prej 1 milion dollarësh në Lotto Max.

Ai ka fituar çmimin në shortin e hedhur me datën 18 tetor.

Gazmeni tha se ai shkoi në dyqan për të kontrolluar biletat e tij duke përdorur kontrolluesin e biletave kur e morri vesh se kishte fituar.

 “Bileta e fundit që kontrollova thoshte 1 milion dollarë. Nuk mund ta besoja dhe e skanova edhe dy herë të tjera. Kur tha të njëjtën gjë, e futa shpejt biletën në xhep.”, tha Gazmeni për CTV News..

Gazmeni si baba i tre fëmijëve tha se mezi priti që gruaja e tij të vinte në shtëpi për t’i treguar asaj lajmin e madh.

“Kur i thashë se fitova 1 milion dollarë, ajo filloi të dridhej. Ajo ishte shumë e lumtur dhe e emocionuar për familjen tonë”, tha ai.

Ai planifikon të paguajë një paradhënie për një shtëpi për familjen e tij.

“Trupi dhe mendja ime ndihen të qetë – një ndjenjë që nuk e kam përjetuar kurrë më parë”, përfundoi ai.

Bileta fituese u ble në Ins Market në Kingsway Drive në Kitchener.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat