Ato që po dëgjojmë, shikojmë dhe lexojmë çka po ndodh sot në Kosovë dhe rreth Kosovës na shqetëson dhe neverit shumë,por edhe habitemi si është e mundur që pas kaqë vuajtjesh të mëdha në Kosovë të jenë të pranishme kësi ndodhishë të liga që mund ti kurdisën vetëm djalli e jo njeriu.
Kjo pranverë qe më e efektshmja pas 20 viteve të kaluara në liri. Kjo pranverë nëpërmjet takimeve komemorative, homazheve dhe nderimeve në përkujtim të dëshmorëve të rënë për liri dhe viktimave të vrarë e të masakruar dhe të mijëra femrave shqiptare të dhunuara barbarisht në Kosovë gjatë agresionit gjenocidal të Serbisë 1998/1999, më në fund e vuri në lëvizje ndërgjegjen dhe vetëdijen e lidershipit të Kosovës.
Ky pasivitet dhe ky indiferentizëm i lidershipeve në Kosovë që e udhëhoqën shtetin e Kosovës për 20 vite në liri është për çdo kritikë, sidomos kur këto lidershipe në pjesën dërmuese përbëheshin nga ish luftëtarë të UÇK-së. Këtë gabim të madh e kanë vështirë ta zbërthejnë edhe sociologët, psikologët dhe psikoanalistët më të mëdhej.
Kosova për fat të keq është duke u ballafaquar me shumë Kuaj të Trojës nga brenda e nga jashtë.
Hashim Thaçi, kryetar i LDK-së, ish kryeministër e tani edhe president aktual i Kosovës është yrnek në vete, i cili u soll në mënyrë tejet naïve e të papërgjegjshme duke pranuar të shkojë në bisedime më Serbinë në Bruksel fillikat vetëm, pa e unifikuar spektrin politik shqiptar në Kosovë, pa e harmonizuar dhe unifikuar një plëtformë të mirfilltë për këto bisedime dhe pa i vënë asfarë kushtesh Serbisë agresore e cila kreu krimet më mizore në Kosovë.
Presidenti Thaëi me sa duket nuk e paska dëgjuar atë perrallën që është në abetaren e klasës së parë, e që tregon për gjyshin i cili nipërve të vegjël ua nxjerr para një tufë me thupra të lidhura me spango, dhe u thotë si mund ta theni këtë tufë me thupra. Nipërit mundohen dhe më në fund dorëzohen duke thënë se është e pa mundur ti thejnë ato thupra tufë. Atëherë gjyshi e zgjidh spangon me të cilën i kishte lidhur thuprat dhe i then një nga një, duke u thënë nipërve se bashkimi bën fuqi prandaj thuprat tufë nuk mund ti thenit.
Çka ti thuash presidentit Thaçi, që vajti në bisedime me Serbinë në Bruksel pa e detyruar Serbinë të kërkojë falje për shkatërrimet, viktimat, dhunimet dhe zbardhen e fatit të 1650 personave të rrëmbyer nga ushtria e Serbisë fati i të cilëve ende nuk është zbardhur. Çka ti i thuash president Thaçi që shkeli mbi heronjtë trima shqiptarë në Kosovë ndër shekuj, shkeli mbi heroin legjendar Aden Jashari dhe 58 viktimat e familjes së Jasharajve në Prekaz, shkeli mbi mijëra heronj të tjerë që dhanë jetën për lirinë që sot e gëzon Kosova e pavarurr e sovrane, shkeli mbi mijëra viktima të pafajshme që i vrau e masakroi ushtria e Serbisë, shkeli mbi fatin dhe jetën e mijëra femrave shqiptare të dhunuara nga ushtria e Serbisë, shkeli mbi fatin e mijëra grave të mbetura të veja, shkeli mbi fatin e mijëra fëmijëve të mbetur jetima, ndërsa kryerësit serbë qoftë të vrasjeve, masakrave apo të këtyre dhunimeve sot e kësaj ditë shëtisin të lirë. Shkeli mbi plagët e pashëruara të familjarëve dhe të të afërmve të viktimave.
Hashim Thaçi vitin që shkoi bëri promovimin e librit të tij në Londër e Paris “Po lind një shtet i ri Kosova” dhe nuk e ps të udhës të merr përsipër të orghanizojë, apo të financojë në emër të tij përkthimin e librave të botuar më parë nga autorët kosovarë për krimet dhe dhunimet serbe në Kosovë, që do të mbetej për jetë e mot një gjest shembullor për vetë Hashim Thaçin e familjen e tij.
Ahtifete Jahjaga bëri mirë që ditë më parë më në fund është angazhuar dhe bën aktivitete qoftë në OKB, qoftë në Kosovë për dhunimet e femrave shqiptare nga ushtria e Serbisë për ti nxjerrë kryerësit e këtyre mizorive para drejtësisë, por do të ishte shumë më e efektshme po qe se Ahtifetja një gjë të tillë ta kishte bërë kur ishte presidente e Kosovës dhe kur fjala e saj kishte më shumë peshë.
Çka ti thuash Behgjet Pacollit, zv/kryeministër e ministër i jashtëm aktual i Kosovës, biznesmen i suksesshëm që ka edhe avion edhe anije të vetën, të cilit i kam shkruar dy herë publikisht letër të hapur për ta finanancuar përkthimin e librave të botuar në Kosovë për krimet e dhunimet serbe në Kosovë, e që këto libra tu dërgohen ambasadorëve në OKB, ne BE, KE dhe burrështetasve tjerë në botë. Këto libra do të kryenin një mision të madh dhe të efektshëm për Kosovën duke i treguar botës dëshmi të gjalla për shkatërrimet, krimet, masakrat dhe dhunimet e Serbisë në Kosovë, dhe do ta demaskonin Serbinë me propagandën e saj gënjeshtare që po kryen nëpër botë. Behgjet Pacolli si donator i përkthimit të këtyre librave do të mbetej për jetë të jetëve në historinë e Kosovës. Një pjesë të këtyre librave mund ta dorëzonte edhe vetë gjatë takimeve të tij me personalitete të ndryshme në punën e tij si ministër i jashtëm i Kosovës, me çka do ta nderonte veten dhe familjen e tij. Përkthimi, botimi dhe shpërndarja e këtyre librave do të jetë gjëja më e mirë për Kosovën.
Çka ti thuash Ramush Haradinajt, kryeministër aktual i Kosovës, që e rriti pagën e vet dhe të qeveritarëve me arsyetimin e i duhen më shumë para për kostume dhe kollare, me çka i vuri një njollë të zezë personalitetit të tij su luftëtar e funksionar, në kohën kur në Kosovë është e pranishme papunësia, varfëria e madhe dhe mijëra të rinj largohen për në shtetet e jashtme për të gjetur punë.
Çka ti thuash Kadri Veselit, kryeparlamentarit aktual të Kosovës dhe kryetar aktual i PDK-së, i cili pas 20 viteve u kujtua ti dërgojë një letër Kongresit të SHBA-ve për krimet e Serbisë në Kosovë, dhe pas 20 viteve u kujtua se në Kosovë duhet, të votohet një Rezolutë për gjenocidin e Serbisë në Kosov, apo deklarata e tij dje më 6 maj se do të themelohet një Gjykate-Tribunal Ndërkombëtar për Krimet e serbëve në Kosovë, që kryekëput është ide e vjedhur nga deklarata e Ismet Salihut , ish drejtor i Institutit për Hulumtimin e Krimeve të Luftës, që tashmë për fat të keq është i mbyllur. Zoti Ismet Salihu në mediat e kosovës delkaroi se, “ky Institut duhet domosdo të rihapet, të shtohet me personel, dhe se do të ishte mirë po të hapej edhe një Muze për Krimet e Serbisë në Kosovë”, deklaratë e botuar më 22 prill në tekstin tim Opinione me titull “ Gjumi i lidershipit të Kosovës dhe propaganda gënjeshtare e Serbisë”.
Më mirë vonë se asnjëherë, thotë populli, por të gjitha këto vonesa e kanë koston e vet negative, sepse me vonesën hecën paralelisht edhe haresa, sepse edhe shumë nga kriminelët serbë edhe mund të kenë ndëruar jetë.
Çka të themi për milionerët aktualë në Kosovë, në mesin e tyre funksionarë të lartë, ministra e deputetë, që u pasuruan në mënyrë të paskrupullt e korruptive, duke shkelur mbi gjakun e dëshmorëve dhe të vrarëve e të masakruarve nga ushtria e Serbisë. Çfarë shpirti të ligë paskan patur këta milionerë aktualë të pas luftës, në vend që kafshatën e bukës ta ndajnë me të varfërit në mbarë Kosovën.
Të gjithë të lartpërmendurit u ngjajnë Kuajve të Trojës brenda Kosovës, të cilët me veprimet e tyre të liga, viktimat që i vrau ushtria e Serbisë, i vranë për të dytën herë tashmë në liri, këta maskarenj, zengjina të rinj shqiptarë të Kosovës.
Kosova për fat të keq veç Kuajve të Trojës që i ka brenda, i Ka edhe Kuajtë e Trojës jashtë saj, siç është Johanes Hahn, komesar i Be-së, Frederika Mogherini, kryenegociatorja e BE-së, që u treguan dinake dhelpanakë kundër Kosovës, Edi Rama, kontraverz dinak e dhelpanak, i cili në vend që të merret me popullatën Çame që pësoi gjenocidin nga Greqia, ndërhyn për të keq në Kosovë. Si Edi Rama pr fat të keq ka edhe shumë Kuaj tjerë të Trojës kundër Kosovës.
Është mirë që këta Kuaj të Trojës brenda dhe jashtë Kosovës sa më parë të korrigjohen e të pendohen, duke u angazhuar dhe duke bërë punë të mira për Kosovën.
Unë e dij vetëm një gjë të sigurtë. Se mëkati do ti gadasë fuqishëm këta faqezinj, që e shkelën dhe janë duke e shkelur me të dyja këmbët nderin, dinjitetin, bujarinë dhe slidaritetin e shqiptarëve. Këta faqezinj do të mbeten tradhëtarë në historinë kosovare e mbarëshqiptare.
Zoti e bekoftë Kosovën, sepse është tokë e larë me gjakun shqiptar. Zoti i ndëshkoftë njerëzit e ligë, Kuajtë e Trojës që i bëjnë dëm Kosovës.
