Përballë botës së krimit dhe keqbërjes - Bota Sot
Përballë botës së krimit dhe keqbërjes

Opinione

Përballë botës së krimit dhe keqbërjes

Nga: Diadema Stil Më: 11 shtator 2019 Në ora: 10:37
Diadema Stil

Shoqëria shqiptare gjithnjë e më shumë po përballet me pjesën e vet më të keqe, me keqbërësit, botën e krimit dhe grupet e bandat kriminale. Sot, të jeshë hallexhi, i varfër, pa mbështetje në Shqipëri nuk është thjeshtë një hall dhe barrë e rëndë, por dhe një udhëkryq, ku ndodhesh dhe askush nuk të jepë të drejtën që të takon. Jo vetëm kaq, por “peshqit e mëdhenj” dhe oligrakët me mbështetje nga politika e madhe e Tiranës dhe “bosët”lokalë, mund të të dhunojnë, shantazhojnë, mos të të paguajnë për punën e bërë dhe të ta nxijnë jetën, duke ta bërë atë të pamundur. Shoqëria shqiptare ndodhet në kulmin e veprimit të pushtetit të “të fortëve”, nën presionin e krimit të rrugës, atij oridner dhe mafioz, të bandave dhe grupeve kriminale, që po tentojnë çdo ditë e më shumë të fitojnë terren. Përmasat e krimit dhe keqbërjes, me dhunën dhe aktet kriminale po vjen duke e zgjeruar rrethin dhe sot krimi në përgjithësi është bërë një pengesë e  madhe për të drejtat dhe liritë njerëzore në këtë vend. Krimi dhe bandat në Shqipëri, duke gjetur terren veprimi në një realitet tranzitiv me një problematikë të ngjeshur sociale e politike, vazhdojnë të fitojnë terren gjithnjë e më shumë, duke u bërë rrezik serioz për rendin dhe stabilitetin qytetar.

Avdi Gjoka, lindur në Kukës më 29  maj 1981, banues në Rrushkull Durrës, fshat turistik, i martuar, me dy fëmijë, ka punuar për tre vjet tek firma “Lura”, por largohet se jo vetëm nuk iu paguan paratë e punës, por përndiqet e dhunohet nga bota e krimit, e lidhur me punëdhënësit dhe oligarkët. Pronari i tij, P. D. kishte lidhje me kryebashkiakun e Durrësit V. Dako, me cilin A. Gjoka kishte pasur kontradikta të thella personale dhe politike. Duke qenë simpatizant i flaktë i PD-s, ai krijoi konflikte me punëdhënësit, të nxitur nga ish kryebashkiaku, që sot është një person non grada, i refuzuar nga SHBA-të dhe nën hetim, i kompromentuar në agjenda kriminale, sipas përgjimeve të Prokurorisë. Ata e mbanin peng A. Gjokën, duke punuar, se gjoja do t’ia paguanin të gjitha bashkë, por jo vetëm nuk u pagua, por më e keqja është se nëpërmjet një polici të korruptuar, e ndiqnin që ta kapnin dhe me kurthe ta fusnin në burg. Konkretisht me 10 korik  2017, duke u kthyer nga puna në rrugën “Delikracia” nr 45, rreth orës 19 e 30, i ndalon para këmbëve  një benz pa targa, me xhama të zinj, nga ku zbresin 4 persona të maskuar, të cilët e qëllojnë barabarisht, duke ushtruar terror e dhunë, ndërkohë  që i thoshin: “Mos kërko para te pronari, por tek Vangjush Dako”. Pasi e goditën me sende të forta, e lanë pa ndjenja, duke u përmendur në spital. Më vonë, kanë vazhduar dhunën psiqike e terrorin, me letra anonime e telefonata, duke e kërcënuar të mos kërkonte paratë, se ndryshe do ta zhduknin fizikisht. Kulmi i dhunës arriti me datën 8 prill 2019 ku persona të panjohur i shkojnë  në shtëpi, duke ushtruar dhunë e shantazh kriminal, duke i shkatëruar gjithçka në shtëpi dhe duke tentuar të merrnin peng gruan e fëmijët. Atë kohë A. Gjoka ndodhej te komshiu S. Murati dhe sapo dëgjon britmat e gruas dhe të fëmijëve të tij, gjuan me armë gjuetie që të largoheshin dhunuesit nga familja. Edhe pse menjëherë denoncon në polici, askush nuk e merr në mbrojteje, sepse keqbërësit ishin kriminelë me lidhje të forta, me ish krebashkiakun.

Depërtimi i “të fortëve” në majat e pushtetit qëndror e vendor, ka sjellë si pasojë kriminalizimin e shoqërisë dhe rrethimin e saj nga këta “të fortë”. Shoqëria jonë ndihet e pambrojtur nga ky presion kriminal, viktimat janë njerëzit e thjeshtë, të varfërit, të pamundurit, ata që të zhytur në borxhe, varfëri e dëshpërim kthehen në viktima të shumëfishta të krimit dhe hakmarrjes. Kjo tablo e trishtë, tregon se shteti, me strukturat e tij lokale e qendrore, kanë falimentuar përballë krimit dhe hakmarrjes, shteti është gjunjëzuar përballë akteve makabre dhe të paprecedentë të krimit ordiner, me mbrojtje politike.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...