“Tani, Thaçi e vëren se diplomacia politike është shumë më e rëndë sesa tyta e pushkëve, pasi UÇK-ja luftonte për të shmangur paramilitarët, ushtarët e policinë kriminele serbe, kurse politika e urtë e Rugovës luftonte për të përvetësuar diplomacinë Evropiane e Amerikane”, ka thënë profesor Sylejman Mehazi.
Se vepra dhe filozofia politike Rugoviane shfrytëzohet vetëm për qëllime politike nga klasa politike aktuale përkatësisht nga subjektet politike kundërshtare, dëshmon më së miri, përkulja e tyre “false” para varrit të Gandit të Ballkanit Dr. Ibrahim Rugovës me rastin e 13 vjetorit të ndarjes nga jeta.
Presidenti aktual Hashim Thaçi, ndonëse kishte kritikuar dhe akuzuar gjithmonë ashpër Dr. Ibrahim Rugovën për shumë veprime të tij në sferën e politikës, tani i njëjti dhe me të njëjtën fytyrë, pas vdekjes së tij, i përkulet para varrit, gjoja në shenjë homazhi për ta përkujtuar veprën e tij.
Thaçi, duke harruar se çfarë kishte deklaruar më parë për Rugovën, ai madje e quajti atë edhe : “ arkitekt të pluralizmit politik në Kosovë, i dialogut, negociatave, marrëveshjeve të brendshme dhe atë në rrafshin ndërkombëtarë”.
Njohësit e çështjeve politike dhe profile të ndryshme të skenës politike në vend, vlerësojnë se “përkulja” e presidentit Thaçi dhe disa liderëve politik, para varrit të Dr. Ibrahim Rugovës, nuk janë asgjë, përveç se veprime dhe fraza politike boshe.
Sipas tyre, përkulja e Thaçit para varrit të Presidentit Rugova, është thjeshtë një hipokrizi, pasi sa ishte gjallë presidenti, Thaçi çdo herë e fyente dhe e përçmonte tejmase atë.
(Tekstin e plotë mund ta lexoni nesër në gazetën kombëtare "Bota sot")
