Presioni i ulët i gjakut mund të jetë gjithashtu i rrezikshëm, ja simptomat

Shëndetësia

Presioni i ulët i gjakut mund të jetë gjithashtu i rrezikshëm, ja simptomat

Më: 28 tetor 2021 Në ora: 21:32
Foto ilustrim

Për presionin e lartë i gjakut shpesh flitet dhe shkruhet. Megjithatë, edhe presioni i ulët i gjakut mund të jetë i rrezikshëm

Nëse nuk e matni rregullisht, mund të mos e dini se është më i ulët se sa duhet.

Rënia e përqendrimit

Mbi 90 i epërmi dhe i poshtmi nën 60 konsiderohen vlera të ulëta të presionit të gjakut. Shkaqet janë të ndryshme dhe mund të variojnë nga pirja e pamjaftueshme e ujit deri te problemet serioze shëndetësore.

Ju do të dalloni presionin e ulët të gjakut pa e matur nëse përjetoni ndonjë nga këto simptoma:

– marramendje ose humbje e ekuilibrit
– krupë
– lodhje
– rënie e përqendrimit
– shikim të mjegulluar

Gjendje shoku

Dy simptomat e fundit mbase mund t’i lidhni me probleme të tjera dhe nuk do t’ju shkonte ndër mend se shkaku është presioni, mirëpo nëse ai bie papritur dhe nuk ngrihet përsëri, ekziston rreziku për të rënë në gjendje shoku.

Atëherë simptomat janë këto: frymëmarrje e shpejtë, frymëmarrje e cekët, puls i dobët, lëkurë e ftohtë, djersitje e papritur, konfuzion ose çorientim.

Nëse përjetoni ndonjë nga simptoma e listës së fundit, kërkoni ndihmën e mjekut, pasi shoku mund të jetë një gjendje kërcënuese për jetën, këshillojnë ekspertët.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat