Në Shkup do të ndërtohet kryq i lartë 63 metra

Shkupi

Në Shkup do të ndërtohet kryq i lartë 63 metra

Më: 17 prill 2022 Në ora: 16:40
Në Shkup do të ndërtohet kryq i lartë 63 metra

Në lagjen e Draçevës, në komunën e Kisella Vodës, mbrëmjen e djeshme ka filluar ndërtimi i një kryqi të lartë 63.5 metra.

Kryqi do të jetë i dyti me gjatësi në Shkup, pas atij në Vodno.

Ideja për vendosjen e kryqit, siç thotë kryetari i komunës së Kisella Vodës, Orce Gjorgjievski është nga qytetarët, të cilët kanë kërkuar ndihmë për realizimin nga Kongresi Maqedonas Botëror i Todor Petrovit.

Ky vendim ka kaluar në Këshillin e Komunës, dhe është votuar njëzëri.

“Është donacion i Kongresit Botëror Maqedonas dhe kompanive ‘Fakom’ dhe ‘Dabar’. Jam i bindur se do të jetë e dashur për banorët tanë, se do të jetë destinacion atraktiv për turistët”, ka deklaruar kryetari Gjorgjievski.

Kryqi duhet të jetë gati për tre muaj e gjysmë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat