​Dëmtohet bredhi i Nënës Terezës në Shkup

Shkupi

​Dëmtohet bredhi i Nënës Terezës në Shkup

Më: 4 korrik 2022 Në ora: 11:07
Foto ilustrim

Erërat e forta kanë dëmtuar dhe shkulur bredhin e Nënës Terezë në sheshin e Shkupit. Lidhur me këtë ka reaguar Instituti për Trashëgimi Shpirtërore dhe Kulturore të Shqiptarëve në Shkup-ITSHKSH.

ITSHKSH ka apeluar që të ndërmerren të gjitha masat që ky bredh të rikthehet aty ku ka qenë.

Çuditërisht ky apel i ynë hasi në vesh të shurdhër dhe sot në vend se ta sanojnë gjendjen, duke e rikthyer bredhin në gjendjen e mëparshme, atë e kanë pre në disa pjesë, e kanë ngarkuar në kamionetë dhe e kanë dërguar në një drejtim të panjohur. Ndërmarrja që i ky kryer këto veprime, ka bërë një akt barbar ndaj një objekti që i takon trashëgimisë së Nënës Terezë, sepse bëhet fjalë për një bredh që është mbjellë nga vet dora e saj në vitin 1980, andaj ITSHKSH-Departamenti për trashëgiminë e Gonxhe Bojaxhiut-Nënës Terezë kërkon me urgjencë nga autoritet komunale dhe qendrore që të nisin procedurat e marrjes në përgjegjësi ndaj kryerësve të këtij akti të shëmtuar”, thuhet në komunikatë.

ITSHKSH ka kërkuar nga institucionet shtetërore të veprojnë në frymën e normave që parashihen ndaj të gjithë atyre që dëmtojnë trashëgiminë kulturore e shpirtërore.

Njëherësh kërkojmë nga autoritetet e Qytetit të Shkupit që në një afat sa më të shkurtër të mbjellin një bredh tjetër, por me përmasa më të mëdha, ku sërish do të rikthehet shënimi i gravuar që tregon se Nënë Tereza e kishte mbjellë një bredh në vendin ku kishte qenë shtëpia e saj e lindjes”, thuhet në komunikatën e ITSHKSH-Departamentit për trashëgiminë e Gonxhe Bojaxhiut-Nënës Terezë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat