Eskalon protesta në Shkup, protestuesit hedhin gurë drejt statujës së Skënderbeut

Shkupi

Eskalon protesta në Shkup, protestuesit hedhin gurë drejt statujës së Skënderbeut

Më: 6 korrik 2022 Në ora: 21:04
Protesta në Shkup

Në Shkup ka eskaluar situata e protestës përsëri.

Sonte demonstruesit filluan me hedhjen e gurëve e gjësende në drejtim të statujës së Skenderbeut që është vendosur në sheshin “Skendebeu”.

Sipas informatave që vijnë në redaksinë e Klan M thuhet se protestuesit janë ndeshur me qytetarët shqiptarë dhe protestuesit duan të futen drejt Çarshisë së Vjetër të Shkupit.

Kujtojmë se Nën moton “Ultimatum – Jo faleminderit” përpara Qeverisë , edhe sot ka vazhduar protesta kundër pranimit të “propozimit francez” për heqjen e vetos bullgare dhe fillim të bisedimeve të Maqedonisë së Veriut me BE-në.

Demonstruesit sot kanë të paraparë të lëvizin nga Kuvendi në Qeveri, më pas para Ministrisë së Punëve të Jashtme dhe do të kthehen sërish para Kuvendit të Maqedonisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat