Çështja “Cakaj” shkakton reagime të mëdha në Kosovë - Bota Sot
Çështja “Cakaj” shkakton reagime të mëdha në Kosovë

Shqipëria

Çështja “Cakaj” shkakton reagime të mëdha në Kosovë

Më: 11 janar 2019 Në ora: 20:32
Gent Cakaj

Mosdekretimi i të propozuarit për ministër të Punëve të Jashtme në qeverinë “Rama”, Gent Cakaj, nga presidenti Ilir Meta, ka ngjallur reagime të shumta në Kosovë.

Politikanët dhe analistët kanë shtruar pyetjen nëse është kushtetues ky veprim i presidentit shqiptar, duke i dhënë të drejtë kryeministrit për përzgjedhjen e individëve që do t’i ketë pranë.

Në të gjithë konfliktin mes presidentit dhe kryeministrit shqiptar, ata mendojnë se Gent Cakaj është viktimë e politikave të mëdha shqiptare.

Deputeti i Kosovës, Milaim Zeka akuzoi të gjitha qeveritë shqiptare se kanë lejuar ndikimin e Serbisë në çështje të brendshme të shqiptarëve.

Presidenti Ilir Meta ka dekretuar 4 ministrat e rinj të propozuar nga kryeministri Edi Rama, duke përfshirë edhe shtetasen tjetër nga Kosova, Besa Shahini. I vetmi kandidat për ministër që nuk ka marrë ende pëlqimin e presidentit është Genti Cakaj.

Kreu i shtetit shqiptar nuk ka dekretuar ende as shkarkimin e Ditmir Bushatit nga posti i ministrit të Jashtëm.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...