Migracioni i paligjshëm/ Lleshaj takohet me homologun kroat e malazez: Të luftohen bashkarisht grupet kriminale - Bota Sot
Migracioni i paligjshëm/ Lleshaj takohet me homologun kroat e malazez: Të luftohen bashkarisht grupet kriminale

Shqipëria

Migracioni i paligjshëm/ Lleshaj takohet me homologun kroat e malazez: Të luftohen bashkarisht grupet kriminale

Më: 22 janar 2019 Në ora: 16:32
Ministri Sandër Lleshaj dhe homologu kroat në takimin tre palësh në Zagreb

Ministri i Brendshëm Sandër Lleshaj, homologu i tij kroat dhe malazez kanë zhvilluar këtë të martë një takim në Zagreb, ku qëllimi kryesor ishte vendosja e një bashkëpunimi më të ngushtë në drejtimin e parandalimit dhe menaxhimit të migracionit të paligjshëm.

Tre ministrat e Brendshëm u dakordësuan për ndërmarrjen e hapave konkretë në drejtim të bashkëpunimit ndërkufitar mes vendeve, shkëmbimit periodik të informacionit, të praktikave më të mira në kontrollin kufitar, si dhe në qasjen e përbashkët në instrumentet financuese të BE-së, me qëllim fuqizimin e kapaciteteve njerëzore dhe logjistike të Policisë Kufitare.

Ministri Sandër Lleshaj e vuri konkretisht theksin në luftën e përbashkët ndaj grupeve kriminale që merren me trafikimin e migrantëve të paligjshëm.

Në këtë takim u ra gjithashtu dakord për hapa të përbashkët në forcimin e kapaciteteve në bashkëpunim me agjencitë përgjegjëse të Bashkimit Evropian, si FRONTEX etj.

Tre ministrat e Brendshëm u takuan Zagreb me ftesë të ministrit të brendshëm kroat, Davor Bozinovic.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...