Kërpaçi: Rama mashtroi studentët, hap ekspozitë me pikturat e tij - Bota Sot
Kërpaçi: Rama mashtroi studentët, hap ekspozitë me pikturat e tij

Shqipëria

Kërpaçi: Rama mashtroi studentët, hap ekspozitë me pikturat e tij

Më: 27 janar 2019 Në ora: 14:17
Floida Kërpaçi

Deputetja e Lëvizjes Socialiste për Integrim Floida Kërpaçi në një deklaratë për mediat ka ngritur akuza ndaj kryeministrit Edi Rama.

Kërpaçi pretendon se Rama ka mashtruar studentët për plotësimin e kërkesave të këtyre të fundit, teksa shprehet se kryeministri nuk merret me studentët, por hap ekspozitë me pikturat e tij në Berlin.

'E vërteta është se kryeministri i ka mashtruar turpësisht studentët duke thënë se ka plotësuar kërkesat e tyre. Ka mashtruar se ka alokuar fond për Arsimin e Lartë, ka mashtruar se ka rikonstruktuar godinat e konvikteve, ka mashtruar përmes paktit 3D të universiteteve.

E ndërkohë që studentët nuk kanë mundësi të paguajnë tarifat e larta, kryeministri hap ekspozitë me pikturat e tij. Studentët nuk kanë libra, nuk kanë konvikte, duhet të kenë banja në konvikte, por kryeministri hap ekspozitë me pikturat e tij. Studentët nuk kanë bibllioteka, studentët nuk kanë kartë studenti por meraku më i madh i kryeministrit është të shkojë e të hapë ekspozita me pikturat e tij', tha deputetja e LSI.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...