“Përdhunimi” në Kavajë, prindërit justifikojnë djemtë. Familja e vajzës po largohet - Bota Sot
“Përdhunimi” në Kavajë, prindërit justifikojnë djemtë. Familja e vajzës po largohet

Shqipëria

“Përdhunimi” në Kavajë, prindërit justifikojnë djemtë. Familja e vajzës po largohet

Më: 8 shkurt 2019 Në ora: 12:08
Foto Ilustrim

Qyteti i Kavajës vazhdon të jetë i tronditur nga skandali seksual që përfshiu një grup të miturish. Ndërkohë, hetimet vazhdojnë për të përcaktuar rolin e secilit prej të miturve, të arrestuar si autorë të dyshuar të kësaj ngjarjeje.

Familja e vajzës që u bë prè e një abuzimi nga një grup minorenësh po largohet nga Kavaja, e mbase nga Shqipëria. Ndërsa në Kavajë, të afërmit e minorenëve të arrestuar justifikojnë djemtë e tyre.

Korrespondentja e Top Channel, Vali Qyrfyci bisedoi me familjen e njërit prej tyre, të cilët flasin për gjendjen e rëndë psikologjike që po kalon i mituri dhe kërkojnë vendosjen e drejtësisë.

Ata thonë se djali i tyre, nxënës i Shkollës “Rilindja”, u tërhoq dhe nuk e kreu aktin për të cilin akuzohet, bashkë me shokët e tij.

“Më keq nuk ka ku të shkojë, ma kanë arrestuar djalin pa të drejtë. E kam shumë keq atje brenda, po e mbajnë me qetësues dhe gjilpëra. Ma kanë quajtur monstër, kur nuk është e vërtetë. Nuk e di përse e kanë bërë këtë gjë, djali nuk ka kryer marrëdhënie seksuale, thjesht prekje dhe puthje. I ka ardhur keq dhe është larguar, nuk ka qëndruar me të tjerët”, thotë prindi.

Por a e njihte ajo viktimën?

“Jo as nuk e kam parë asnjëherë. Djali e njihte me anë të shokut, por jo që të kishte komunikim apo të qëndronte me të. Thjesht ishte ai takim dhe asgjë më shumë”, shpjegon ajo.

Ai akuzohet se vajzën e kanë shantazhuar me anë të një videoje.

“Nuk e di çfarë kanë bërë djemtë e tjerë. Djali im nuk e ka bërë kurrë atë shantazh”, këmbënguli ajo.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...