E shtuna e pa kryetarin e Partisë Demokratike në Gjirokastër, ku vijoi turin e takimeve me qytetarë, me biznesin e vogël dhe të rinjtë, duke vënë edhe njëherë tjetër theksin te protesta e 16 shkurtit dhe plani i PD-së, si e vetmja shpresë për rimëkëmbejn e ekonomisë.
Nga Gjirokastra, Basha tha se kishte shkuar për të ftuar banorët e këtij qyteti, që në datën 16 shkurt të marrin në duar fatin e tyre, për të përmbytur atë që e quajti sistem të kalbur, i cili është kthyer në gangrenë për zhvillimin dhe integrimin e Shqipërisë.
Teksa takohej me biznesmenë të vegjël, ai tha se atyre iu duhet një shtet që u shtrin dorën.
“Nuk do t’iu lëmë kështu. Të punojmë të gjithë bashkë që të rikthejmë ekonominë dhe mirëqenien. Me uljen e çmimin të karburantit dhe energjisë, ne besojmë se ekonomia do të marrë impulse shumë pozitive. Investimet do t’iua kthejmë, sepse juve ju duhet një shtet që iu shtrin dorën, jo t’iu vë këmbën”.
