Nuk mbyllën lotot në Lushnje dhe Ballsh, dy persona para gjyqit - Bota Sot
Nuk mbyllën lotot në Lushnje dhe Ballsh, dy persona para gjyqit

Shqipëria

Nuk mbyllën lotot në Lushnje dhe Ballsh, dy persona para gjyqit

Më: 14 shkurt 2019 Në ora: 14:32
Ilustrim

Policia në qarkun e Fierit bën me dije se ka proceduar penalisht dy pronarë të dy subjekteve të cilët nuk kishin mbyllur lojërat e fatit në Lushnjë dhe Mallakastër. Policia bën me dije se janë sekuestruar në cilësinë e provës materiale një tavolinë pokeri, një sasi chipsash, letra bixhozi, 6 tableta dhe 1 kompjuter.

Konkretisht, u procedua penalisht shtetasi L.H, 23 vjeç, banues në Lushnje pasi në ambientet e lokalit “Bar kafe” në pronësi të tij, ushtronte aktivitet të kundërligjshëm të lojërave të fatit. Në cilësinë e provës materiale u sekuestruan 6 tableta dhe 1 kompjuter.

Gjithashtu u procedua penalisht shtetasi N.H, 45 vjeç, banues në Mallakastër, pasi në ambientet e lokalit në pronësi të tij, ju gjetën 1 tavolinë bixhozi, letra dhe chipsa që shërbejnë për ushtrimin e aktivitetit të kundërligjshëm të lojërave të fatit, të cilat u sekuestruan në cilësinë e provës materiale.

Materialet proceduriale i kaluan Prokurorisë së Rrethit Gjyqësor Fier dhe Lushnje për veprat penale “Organizimi i lotarive të palejuara “dhe “Vënia në dispozicion e lokaleve për lojëra të palejuara”.

Kontrolle të tilla vijojnë çdo ditë në gjithë Qarkun Fier kundër aktivitetit të lojrave të fatit.

Policia e Shtetit fton cilindo të denoncojë falas në numrin 112 ose përmes aplikacionit “Komisariati Dixhital”, çdo veprimtari të tillë të kundraligjshme.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...