Në prag të sezonit turistik, Ministri Blendi Klosi u ka bërë thirrje bashkive që të angazhohen në pastrimin e qyteteve. Ai bëri të ditur se Ministria e Turizmit dhe Mjedisit do të organizojë aksione në të gjithë vendin, në mënyrë që turistët të gjejnë një Shqipëri të pastër.
"Do të organizojmë operacione pastrimi në të gjithë zonat e bregdetit. Kërkojmë me forcë angazhimin e pushtetit lokal dhe të vullnetarizmit" u shpreh ministri.
Deklaratat Ministri i bëri nga Shëngjini, ku punonjës të bashkisë por edhe vullnetarë morën pjesë në një aksion pastrimi në zonën e Ranës së Hedhun. Në muajin maj Shëngjini do të mirëpres një event ndërkombëtar ku do të performojnë DJ nga shumë vende të botës.